Erremonteko Faustino torneoa aurrera dijoa eta sailkapena pixkanaka
definitzen ari da. Joan den larunbatean Ezkurra eta Ionek 40-36 menderatu zuten
Bitoria-Lizaso bikotea, Lizasok denfentsa gogorra erakutsi zuen arren. Gauza
bera egin zuten Zeberio II eta Auzmendik Altuna-Eizagirre bikotearen kontra
(40-31). Kasu honetan arazo gutxiago izan zuten irabazleek Zeberio II-k
ikuskizun ederra eman baitzuen Galarretan.
Bihar, hil ala bizi
Gauzak horrela, larunbateko bikote irabazleek hanka bana semifinaletan dute,
galtzaileek ordea izerdi galanta bota beharko dute, semifinaletatik kanpo geratu
nahi ez badute; batez ere Bitoria eta Lizasok, bi partidutik biak galdu
baitituzte eta hirugarrena galdu ezkero eliminatuta geratuko bailirateke
txapelketatik.