Hernanik erraz menperatu zuen Lizardi eta laugarren garaipena du jarraian

HERNANIKO nesken taldea kontrariorik gabe dabil aurten, Gipuzkoako txapelketan eta bere nagusitasuna erakutsi zuen joan den larunbatean ere. Zarauzko Lizardi taldea 3-0 hartu zuen menpean eta jokoak oso nabarmen irabazita gainera: 25-11, 25-3 eta 25-9. Partiduak hogeita hamabi minutu besterik ez zuen iraun, eta hortan seinale, bi taldeen arteko aldea.

Mutilen taldeak atzeratu
Elurra zela eta partidua atzeratzea eskatu zion Hernaniko taldeari Errioxakoak. Eskaera bidezkoa iruditu zitzaien hernaniarrei eta kiroldegiaren egoera ere ez zen oso ona, Kronikari jakitera eman diotenez. Boleibol taldeak esan du ostiraleko entrenamenduan, kantxan ur putzuak zeudela eta ´ontziak guk jarri behar izan genituen ura biltzeko eta oso arriskutsua izan zen entrenamendua burutzea` salatu dute.

Ituteena arazo zaharra
Boleibol taldeak dio ituteen arazoa ez dela berria, aspaldikoa dela. Salatu du badirudiela ´lau trapu lurrean jartzea nahikoa dela`. Beste kiroldegietan ez dituzten arazo asko dituztela salatu dute boleibol taldekoek eta ´gure agintariak ez dira horregatik kezkatzen, denok etxera joatea nahi dute hala?` galdera egin dute.