HAZIENDA Feria izango da gaur Goizuetako plazan. Aspaldian galdutako ohitura
berreskuratu nahi izan dute goizuetarrek. Iaz egin zuten aurreneko saioa eta
izan zuen arrakasta ikusita aurten errepikatu egingo dute.
Festa aspertu arte
Feria goizeko 10:00etan irekiko da ekitaldi sorpresa batekin. Ordu
horretatik aurrera plazan postuak jarriko dituzte: haziendarekin, artisauen
lanekin eta bertako produktuekin. Goizean zehar iratze meta bat egingo dute
plazan eta sagarra tolarean zapaldu eta zizarra ere aterako diote. Eguerdirako
bazkari herrikoia antolatu dute frontoian. Bazkalondorenean, fandango txapelketa
eta txarangarekin kalejira antolatu dute. Gauean kontzertu sorpresa izango da
Goizuetako gaztetxean. Horrez gain, egun guztian zehar Atsoarregi, Larrañaga eta
Lutxurdio trikitilariak girotuko dute eguna.
Hazienda feria antolatu dute: Goizueta Bizirik, Goizuetako Udalak, Umore Ona
elkarteak, zaharren elkarteak eta Gazte Asanbladak.
Feria duela 32 urte arte egiten zen urtero eta zerriaren inguruko festa izaten
zen, baina trikinosia agertu zenean bukatu zen.