Ostiralean da Emakumeekiko Indarkeriaren Aurkako Nazioarteko Eguna eta horren
bueltan zenbait ekintza ari dira egiten Hernanin, lehengo asteaz geroztik. Bihar,
osteguna, tailerra izango da, Zergatik indarkeri sexista izenburupean. Josebe
Iturriotz eta Aurora Iturriotz Emakin taldeko kideek gidatuko dute tailerra.
Arratsaldeko 18:30etan hasiko da, Biteri kultur etxean.
Ostiralean, kontzentrazioa
Ostiralerako kontzentrazioa dago deitua, 19:30etan, Plaza Berrin. Emakumeen
aurkako indarkeriarik ez! du lema, eta Berdintasun Kontseiluak antolatu du.
Horrez gain, Gazte Txokoan ere izango dira zenbait ekitaldi, ostiralarekin:
emakumeekiko indarkeriaren aurkako murala egingo dute arratsaldeko 17:30etan;
eta bideo foruma ere izango da ordu berean, Te doy mis ojos pelikula emango dute
eta Ane Iturbe eta Garoa Gartziandia izango dira hizlari.