Erlezaintza, berria
Erleak ‘beti’ egon izan dira hemen, eta eztia
jatea oso aspaldikoa da. Hala ere, polena, propolia eta abar ateratzea orain
dela 25 urteko kontua da.
Osasuna norbere esku
Pello Zubiriaren esanetan, osasunak norbere esku egon behar du, eta
apiterapiaren aukera aprobetxatzearen atzean filosofia hori ere badago.
Balio enpirikoa
Zubiriak dio apiterapiako teoria askok laboratorioko balio enpirikoa
dutela, zenbait herritan hala esperimentatu delako.
Farmazia eta dendetan
Apiterapia ez du planteatzen medizina alternatibo gisa, osagarri bezala
baizik. Apiterapiako produktuak farmazietan ere badaude.
Kontu izan
Zubiriak argi uzten du apiterapiarekin kontu ibili behar dela, eta
kontrol haundiarekin jokatu: bai tratamendua egiterakoan, eta baita
produktuen kalitatearekin ere. |
PELLO Zubiria kazetariak azpimarratu du Erlea gure
sendagile liburua zerbitzu gisa planteatzen duela, eta ez kritika moduan.
Batez ere, lau publiko mota ikusten dizkio. Batetik, erle produktuak
kontsumitzen dituztenak: «erle produktuek duten hamarretik bat ere ez dugu
aprobetxatzen» dio berak. Bestetik, saltzaileentzat ere interesgarria
iruditzen zaio propietate horien eta aukera horien berri jakitea. Erlea
gure sendagile Erlezainentzat ere baliagarri gerta litekeela ikusten du
Zubiriak, batez ere erle produktoen elaborazioak garrantzia haundia
duelako beren propietate terapeutikoetan. Zubiriaren esanetan, medizina
ofizialean ere geroz eta gehiago erabiltzen dira erle-produktuak osagarri
gisara, eta sektore horri begira ere planteatzen dute liburua. Alde
horretatik propoliari aurkitu zaion osagai zerrenda osoa jarri dute.
Liburuak Hernaniko erreferentziak ere baditu, Agustin Iturriagaren
aipamenak eztia eta argizariari buruz.
Kuban osasun publikoan
Kuban apiterapia osasun publikoan sartua dago, eta farmazia karrera
barruan ere ikertzen da.
Informazio gehiago
Gaiari buruzko informazio zabala, Argian, Pello Zubiriak berak
idatzitako artikuluetan aurkituko duzu, azaroaren 13 eta 20ko aleetan.
Interneteko gune bat ere badu informazio eta erreferentzia bibliografiko
zabalarekin
argia.com/apiterapia.
|