SAN Markos Mankomunitatea kanpaina egiten ari da lorategia edo baratza duten
etxeetan sortutako materia organikoa konpost bihurtu eta berrerabiltzeko.
Guztira 120 konpostagailu banatu dira, Hernanin 39, eta horiek erabiltzen
ikasteko saioa antolatu dute datorren asteazkena, azaroaren 23rako. Zita
arratsaldeko 18:30etan egin dute, Biteri kultur etxean.
Urtarriletik aurrera konpostagailu gehiago
San Markosek jakinarazi du urtarriletik aurrera konpostagailu gehiago banatuko
dituztela, beste 580. Interesa duenak 943 670249 telefonora deitu dezake.
Telefono horretara deitu ezkero kanpainaren inguruko informazioa jaso ahal
izango da konpostagailua lortzeko aukera izateaz gain. Konpostagailua erabiltzen
ikasteko saioari buruzko informazioa ere jasoko dute eta behin ikastaroa
bukatzerakoan norberak konpostatzeko gida jasoko dute interesatuek. Urrats
horiek eman ondoren konpostagailua eskuratuko da. Hori guztia dohainik izango
da.