BERRIAK, merkatari eta ostalarien elkarteak, antolatuta igandean fosilen
erakusketa izango da Plaza Berrin. Fosil hauek munduko bazter ezberdinetako
txokoetatik datoz, 5 kontinenteetatik. Igandean ikusi ahal izango diren fosil
zaharrenek 600 milioi urteko adina dute eta gazteenek, 40 milioi urte.
Gehiengoak hala ere Kretazeo garaikoak dira, duela 100 miloi urtekoak.
Erakusketako fosilen jabea Olaztiko Benjamin Botanz Apeztegia da eta bere
kolekzioa osatzen dute, batez ere: intsektu, koral, krustazeo, gasteropodo,
oskol eta landareen fosilek.
Erakusketa goizeko 10:00etatik eguerdiko 13:30etara izango da, Plaza Berrin.
Euria egiten badu plazako arkupetan jarriko dute fosil erakusketa.
Arrasto edo moldeak
Fosilak garai batean animaliek eta landareek utzitako arrasto edo moldeak
dira. Arrasto hauek fosil izena hartzeko 10.000 urteko adina izan beharra dute.
Batez ere sedimentatutako arroketan bilatzen dira eta gehienak dagoeneko bizi ez
diren espezieenak dira.