PELLO Goello margolariak erakusketa jarri du Biteriko aretoan, hilaren 28ra
arte. Bertan bere margolari ibilbidean egindako lan ezberdinak ikusi daitezke,
hasi 1980 urtean egindako lanetatik eta gaur egun egindako lanetaraino. Guztira
52 bat pieza jarri ditu erakusketan. 15 bat urte ziren, bakarka erakusketa bat
jartzen ez zuela horrelako areto batean, Biteri kultur etxean pintura irakasle
lanetan daramazkien urteak. Erakusketa ikusi nahi duenak astelehenetik
ostiralera du aukera: arratsaldeko 18:00etatik 20:00etara.
Gai ezberdinak
Erakusketan gai, estilo eta teknika ezberdinak ikusteko aukera izango da.
Teknika aldetik, akuarela, kolaxa, oleoa, pastelak eta akrilikoa erabili ditu,
besteak beste.
Gai aldetik ikusi daitezke, Hernaniko paisaje ezberdinak erakusten dituen margo
errealistak; eta Biteriko tailerrean bodegoien inguruan egindako azterketak eta
abstrakzioak. Azken urteetan egindako margoetan berak landutako estiloko margoak
ikusi daitezke, argazkikoak bezala.