DOBERA Euskara Elkarteak 12 urte bete ditu sortu zenetik eta gogoeta prozesu
bat hasi du orain arteko ibilbidea aztertu eta etorkizunean egin beharreko
lanari buruz hitz egiteko.
Gogoeta prozesua herritarren eta bazkideen artean osatzea da asmoa eta
horretarako datorren hilean, azaroaren 19 eta 26an (larunbata), gogoeta-saioak
izango dira elkarte honek Larramendi kalean duen egoitzan, goizeko 10:30etatik
13:00ak bitartean.
Foroa ireki dute interneten
Gogoeta saioez gain, Doberak foroa bat ireki du Hernaniko Kronikaren web
gunean (www.kronika.net).
Foro honen bidez herritarrek gogoeta prozesuan parte hartu dezakete eta beraien
iritzia eman.
Foro honetan hainbat gai proposatzen dira: Euskararen egoera Hernanin; euskara
elkarte baten eginkizuna herrian zein den, orain arte Doberak egindako lanari
buruz; eta etorkizunean jarraitu beharreko bidearen inguruan. Forora
Gogoeta 05 atalean klikatuz sartu
daiteke.