BIHAR kontzertua izango da Milagrosako kaperan Aguraingo Eguzkilore
Abesbatzaren eskutik. Arabarrak Hernaniko Kantuz abesbatzak gonbidatuta izango
dira gurean.
Kontzertua arratsaldeko 19:30etan hasiko da, Milagrosa kaperan eta errepertorio
zabala aukeratu dute bertara joaten direnek entzuteko. Horien artean Jesus
Guridik moldatutako Goiko Mendian eta Boga, Boga kanta ezagunak eta Schubert,
Giuseppe Marzi edo Solabarrietaren beste lan batzuk. Kontzertua Emilio Ipinzak
zuzenduko du.
Eguzkilore abesbatza
Eguzkilore duela hamalau urte sortu zen eta hasieratik kontzertu asko eman
ditu, bertan eta kanpoan (Alemanian, Frantzian...). Gaur egun 40 pertsonek
osatzen dute Eguzkilore abesbatzako taldea.