Helduen Hezkuntza Zentroak liburutegia eta ordenagailu gela jarriko ditu denen eskura

hELDUEN Hezkuntza Zentroak (EPA) ordenagailu gela eta liburutegia irekiko ditu astelehenetik aurrera, erabili nahi dituenarentzat. Bete beharreko baldintzak dira 18 urte beteta izatea eta erabiltzaile txartela izatea. Hortik aurrera zerbitzua dohainik da. Ordenadore gelak eta liburutegiak gauza asko egiteko aukera ematen du: entziklopedia kontsultatu, urtekariak eta datu baseak begiratu, multimedia materiala erabili, liburuak maileguan hartu, interneten nabigatu eta ordenadorean lanak egin, besteak beste. Zerbitzua Hernaniko Udalaren laguntzarekin jarri dute martxan eta helburua du Hernanin dagoen kultur eskaintza publikoa zabaltzea. Bereziki zentrotik urruti dauden auzoetan pentsatu dute: Antziola, Sagastialde eta Etxeberri, esaterako. Ordutegia Zerbitzu honen ordutegia da: astelehenetik ostiralera goizeko 11:30etatik 13:30etara eta arratsaldeko 16:30etatik 21:00ak arte. Zentroa Antziola auzoko 62 zenbakian dago.