ASTEBURU honetan hasiko dira berriro ere Biteri kultur etxeko asteburuko
emanaldiak. Astero-astero bi pelikula emango dituzte bat helduei zuzendua eta
bestea haurrei zuzendua. Asteburu honetan helduentzako Extrañas coincidencias
komedia jarriko dute eta haurrentzako Los 4 fantasticos akziozko filmea.
Helduentzako pelikulak honako ordutegia izango du: Ostiralean 22:30etan;
larunbatean 19:30etan eta 22:30etan; eta igandean 22:30etan. Haurrentzako
pelikula larunbata eta igandean izango da 17:00etan.
‘Extrañas coincidencias’
Komedia honen zuzendaria David O.Russell da eta aktore nagusiak: Dustin
Hoffman, Isabelle Huppert, Jude Law, Jason Schwartzman, Lily Tomlin, Mark
Wahlberg, Naomi Watts, Jake Muxworthy, Kevin Dunn. Jendearen bizitza sakonetik
aztertzen duten detektibeen istorioa kontatzen da.
‘Los 4 fantasticos’
Akziozko filme honetan 4 ikertzailek espaziora bidaiatzen dute. Bertan
ekaitz kosmiko baten eraginez hainbat aldaketa jasango dituzte. Lurrera
itzultzean berehala konturatuko dira bakoitzak botere sobrenatural bereziak
eskuratu dituela. Zuzendaria da: Tim Story.