LANBIDE Hastapeneko ikastetxean, Transpacarren dagoen horretan, hasi dute
kurtsoa. 24 gazte ariko dira ibilgailuak konpontzen ikasteko kurtsoan. Kurtso
honetan daude 16 urte dituzten gazteak, DBHko graduatua lortzeko daukatenak.
Kurtso honek ofizio bat ikasi eta lanean hasteko aukera ematen die batetik eta
bestetik aukera ematen die, DBHko graduatua lortzeko azterketa libreak
prestatzeko.
Lanbide Hastapenerako zentroa Hernaniko Udaletxeko Hezkuntza, Lanbide Heziketa
eta Lan Sailak kudeatzen du eta aurtengoan ibilgailuen konponketako kur-tsoa da
emango duena.
28 ikasle 3 taldetan
Kurtso honetan 28 gaztek eman dute izena eta 3 taldetan daude banatuta:
aurreneko mailan 14 ikasle daude, bigarrenean 10 eta beste talde batean 4
ikasle. Azken talde honetan 16 urtetik beherako gazteak ariko dira ofizioa
ikasten, orain ikasten dauden zentroen baimena dute kurtso honetan ikasteko.
Kurtsoa ematen 4 profesional ariko dira: alderdi teorikoa bi irakaslek emango
dute eta tailerrean beste bi irakasle ariko dira. 4 irakasle hauek lanbidean eta
irakaskuntzan esperientzia dute.