Igandean hasiko dira finalaurdenetako saioak eta Estitxu Eizagirreren txanda izango da. Maialen Lujanbio, azkeneko ediziko bigarrena izaki, finalean sartuko da zuzenean.
EUSKAL Herriko Bertsolari Txapelketa Nagusia jokatuko da igandean hasi eta
abenduaren 18ra bitartean. Bertan izango dira Hernaniko bertso eskolako 5
bertsolari: Estitxu Eizagirre, Iñaki Zelaia, Jexux Mari Irazu, Aitor Mendiluze
eta Maialen Lujanbio. Datorren igandeko saioan, lehenengo finalaurdenean,
Estitxu Eizagirrek kantatuko du. Saioa arratsaldeko 17:00etan hasiko da
Lekunberriko Plazaola kiroldegian.
38 bertsolari 3 bloketan Euskal Herriko bertsolari txapeketan 38 bertsolari ariko dira. Txapelketa 3
bloketan dago banatuta. Aurreneko blokean, finalaurdeneko 5 saio jokatuko dira
eta bertan izango dira Estitxu Eizagirre eta Iñaki Zelaia. Saio hauetako 5
bertsolari irabazleak eta puntutazio onena lortzen duten 7 bertsolariak egingo
dute aurrera. Bigarren blokean, finalerdietako 6 saio izango dira (bertsolari
bakoitzak 2 saio) eta bertan sartuko dira, aurreko txapelketatan finalista
izandakoak. Hauen artean Jexux Mari Irazu eta Aitor Mendiluze.
Maialen Lujanbio zuzenean finalera Finala abenduaren 18an jokatuko da Barakaldon eta bertara Mailen Lujanbio
zuzenean sartuko da, Andoni Egaña txapeldunarekin batera, izan ere azkeneko
Euskal Herriko txapelketan bigarren postua egin zuen Maialen Lujanbiok. Aurtengo
edizioko nobedadea da finala aurrenekoz Bizkaian jokatuko dela.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!
