ATZO prentsaurrekoa izan zen Chillida-Lekun, azken bost urteetako balorazioa
egiteko. Luis Chillida, museoko arduradunak esan zuen museoak lortu duela
´Gipuzkoa, Euskal Herri eta mundu mailan izena izatea` eta aitortu zuen museoa
ireki zutenean ez zutela horrelakorik espero: ´guk bidea ibiliaz egin dugu`,
esan zuen.
Chillidak esker oneko hitzak izan zituen bere aitarentzat ´bere lanik gabe hau
ez litzateke posible izango eta`, baina baita museoko lan taldea osatzen duten
guztientzat ere. Chillida-Leku ireki zenean 12 pertsona ziren lanean eta gaur
egun horren bikoitza dira, bertako arduradunak atzo esan zuenez.
Museoa ireki zenetik pertsonaia ugari pasatu da bertatik: ´politikoak, kultura
mundukoak, arkitektoak, aktoreak...` esan zuen Chillidak.
Etorkizunera begira
Etorkizunean museoaren helburuak zein diren ere azaldu zuten atzoko
prentsaurrekoan. Luis Chillidak esan zuenez, museoak beste artisten obrak ere
ekarri nahiko lituzke Chillida-Lekura, baina horrek kostu haundia duenez, babes
instituzionala beharko lukete. Gainera, kanpotik ekarritako obra horiek hartzeko
Zabalaga baserria txiki geratzen denez, etorkizunean erakusketa leku berriak
ireki beharko dituztela aitortu zuen arduradunak: ´ez dugu mausoleo bat sortu
nahi, museo bat baizik, leku bizi bat, nere aitak nahi zuen bezala`, esan zuen.
Orfeoiaren errezitala
Bestalde, Atzo ekitaldia izan zen Chillida-Lekun Donostiako Orfeoia bertan
zela.