AEK euskaltegia buru belarri ari da datorren ikasturteko Zilegi Eskola
preparatzen. Bertako arduradunek adierazi dutenez euskaltegiko eskaintza ´garai
berrietara` moldatzeko hainbat ekimen jarri dituzte martxan eta horietako bat
dira Zilegi Eskolak. Euskaltegiak saio berezi batzuk antolatu ditu, bi, hiru eta
lau egunekoak eta bertan gai ezberdinei buruzko ikastaro txikiak ematen dira,
hainbat ordutan, irakasle edo aditu batekin. Ikastaro hauek zein eta noiz izango
diren aldez aurretik jakinaraziko ditu AEK-k. Lehengo urtean antolatutako
ikastaroetako batzuk dira: Euskal Abizenak, Erreflexologia, Euskal Foruak eta
Karlistadak, Hizkera ez Sexistaren garrantzia...
Berrikuntzak
Aurtengo Zilegi Eskolek badute nobedade edo berrikuntzarik. Mintzagunea eta
Zalantzagunea deituriko saioak sortu dituzte. Saio hauek Zilegi Eskoletan emango
diren ikastaroen osagarri dira, baina ez dira derrigorrean batera egitekoak,
matrikula ezberdina baita ikastaroetakoa eta saio berezi horietakoa. Mintzagunea
mintzapraktikarako bi orduko saioa izango da astean behin. Zalantzagunean berriz
bi orduz ikasleak hizkuntzari buruz dituen dudak azaldu ahal izango ditu.
Xehetasun gehiago nahi izanez gero, AEK euskaltegira zuzendu daiteke, Larramendi
11ko egoitzara, edo honako telefono zenbakira deitu: 943 557801.
|
RAMON ETXEBERRIA, Zilegi Eskoletako ikaslea : Ramon Etxeberriak iazko Zilegi Eskolako saio batean parte hartu zuen Erdi Aroa Hernanin izenekoan, eta bere esperientzia azaldu digu. Zergatik eman zenuen izena? |