GAURHirigintza Batzordea bilduko da Udaletxean eta lokalak etxebizitza
bihurtzeko araudia aztertuko dute, besteak beste. Baldintza jakin batzuek
betetzen dituzten merkataritza lokalak etxebizitza bihurtzeko proposamena
eramango du gobernu taldeak gaurko batzordera. Horretarako oraindik indarrean
dauden Arau Subsidiarioei aldaketa puntual bat egitea da proposamena:
erabilera-aldaketa ordenantza baten bidez arautzea. Iñaki Arratibel Hirigintza
Zinegotziaren arabera ´segurtasun juridiko haundiagoa emango diegu lokala
etxebizitza bilakatzeko baimena eskatuko dutenei`. Udalak onartuta, Foru
Aldundiaren onespena beharko du proposamenak.
2006tik aurrera
Arratibelen arabera, aukeratutako formula hau aurrera aterako balitz,
´datorren urtean hasi ahal izango du udalak erabilera-aldaketarako baimenak
ematen`. Arauak aldatu ondoren, ordenantza egiteko ´presazko prozedura`
erabiliko dute, baina ´talde politikoek eta partikularrek aurkeztutako zenbait
alegazio hartuko dira aintzat`, dio.
Udal gobernuak jakitera eman duenez ´merkatuko prezioei aurre egiteko
zailtasunak dituztenei etxebizitza bat lortzea erraztu nahi zaie eta interes
komertzial urria duten zenbait lokali irteera eman`.
Agustinatako etxeak
Arau Subsidiarioen beste aldaketa bat ere eztabaidatuko da Batzordean:
Agustinetako hotela zijoan lekuan etxebizitzak egitea. Birkalifikazio horrek
sorraraziko dituen plusbalioak ´haurtzaindegi berria eraikitzeko` erabiliko ditu
Udalak.