HERNEGUN gelditu zen askatasunean Juan Mari Olano, Amnistiaren Aldeko
Gestoretako bozeramale ohia eta ongi etorria egin zitzaion atzo bere bizitokian,
Hernanin. Ikurrin artean hartu zuten hernaniarrek eta bertsoak kantatu eta
agurra dantzatu zioten. Olanok berak hartu zuen hitza bukaeran eta esan zuen
herri honek egiten duen edonolako borrokak jartzen dituela urduri frantziar eta
espainiar estatuak eta segi beharra dagoela irtenbidea bilatu arte: ´kanpoan eta
kartzeletan daudenengatik eta hemen aurrean ditudan gaztetxo hauei etorkizun
hobe bat uzteko`. Olanok, ohiturari segiaz, Garin tabernan zin tzilik zegoen
bere argazkia kendu zuen.
Lau urte espetxean
Olano 2001eko abenduaren 3an atxilotu zuten Baionan, Baltasar Garzon
epailearen aginduz. Bi urte egin zituen frantziar estatuko kartzeletan eta beste
bi egin ditu espainiar estatukoetan, 2003an estraditatuta. Asteartean Madrilgo
Navalcarneroko espetxetik atera zen.