JOAN Mari Olano aske geratu zen atzo eguerdian fidantza ordaindu eta gero.
Ostiralean zen libre geratzekoa baina fiskalak fidantza 300.000 eurotara igo
zuen eta horrek atzeratu egin du Hernaniko bizilagunaren kaleratzea. Azkenean
fidantza hori 100.000 eurotan geratu da. Hala ere Askatasunak gogor salatu zuen
astelehenean bertan egindako prentsaurreko batean fidantza igo izana eta
´gehiegizkoa eta indiskriminatua` dela esan zuen.
Lehenengo Zaldibira
Olano duela lau urte atxilotu zuten Baionan eta orain bi urte Espainiara
estraditatu zuten. Atzo gauean Zaldibi jaioterrian egin zioten ongi etorria eta
gaur Hernanin egingo zaio, 20:00etan, Garin aurrean.