GAZTE Txokoak ostiralean ireki zituen ateak eta bertako arduradunek Kronikari
adierazi diotenez harrera oso ona izan zuten. 50-60 gaztetxo inguru elkartu
ziren Gazte Txokoan, bertan antolatu zuten merendolan parte hartzeko.
Arduradunen hitzetan gazte asko abuztu bukaeratik galdezka aritu zaie Gazte
Txokoa noiz irekiko ote zuten, baina ezin izan dute lehenago ireki, orain arte
prestatze lanetan aritu direlako. Gazte Txokoko bazkide egin nahi dutenek
Aristizabal kaleko lokalera azaldu behar dute eta bertan fitxa bat bete euro bat
ordaintzearekin batera. Horren trukean zentro honek eskaintzen dituen zerbitzu
eta ekintzekin gozatu dezake bazkideak.
Larunbatean Islara egun pasa
Larunbat honetan Donostiako islara irteera antolatu dute. Inguru hori
ezagutu eta bainatu ere egingo dira, hotzik ez bada. Apuntatzeko epea gaur
zabaldu da eta kostua 2 euro dira. Gazte Txokotik gazte guztiak animatu dituzte
parte hartzera.