URUMEA, Bidasoa eta Urdazuriko izokiari buruzko erreportai bat ari dira
grabatzen BCO eta Moztu produktorak, FR3 katerako. Joan den ostegunean aritu
ziren Hernanin grabatzen, Latxeko presan, eta Diputazioko arduradun Iñigo
Mendiolak hitz egin zuen uraren kalitateak nola egin zuen onera 80garren
hamarkadan kolektorea jartzean.
Desagertzeraino
Urumea errioan izoki asko izaten zen garai batean eta horren testigantza
asko da. Errioaren kutsadura, presak eta dinamita-arrantza medio desagertzeraino
iritsi zen ordea eta errekuperazio prozesu luzea izan da izokia berriz ere
Urumeara ekarri duena: kolektorea, presatan izokiak igotzeko tokiak eta urtero
egiten diren repoblazioek eman dute frutua eta gaur egun sartzen da izokia
Urumeara ere.
Erreportaia Frantziako FR3 kateak botako du, egunaren berri zehatzik jakin izan
ez badugu ere.