EMAKUME Zentroak hasi du kurtso berria eta irekita dago Elkano kaleko
17garren zenbakian elkarte honek duen egoitza. Urte osoan zehar jende ugari
inguratzen da Emakume Zentrora, iaz esaterako, 140 pertsona inguruk parte hartu
zuten elkarte honek antolatzen dituen ekintzetan. Ikastaroak, erakusketak eta
hitzaldiak dira Zentroan izaten diren ekintzetako batzuk.
Matrikulazio epea datorren astean zabalduko da
Elkarte honetatik Hernaniko Kronikari jakinarazi diotenez, urtero izaten
diren ikastaroetan apuntatzeko epea datorren asteko astelehen eta asteartean
izango da, arratsaldeko 16:30etatik 18:30etara. Aurtengo ikastaroen artean
aurkitzen dira: Gimnasia (jadanik hasita dago), pintura, monpoak,
tridimentsionalak, gantxiloa, punto-kruza, boliloak, kristala... Kurtsoetan
apuntatzeko edo Zentroari buruz xehetasun gehiago jakin nahi duenak, Elkano
kaleko egoitzara hurbiltzea besterik ez du.
Kurtsoak
- Gimnasia: 09:00etatik 10:00etara eta 10:00etatik 11:00etara. Irailaren 11an hasi da.
- Pintura eta Monpoak: Astelehenetan 16:00etatik 18:00etara. Urriaren 3an hasiko da.
- Tridimentsionalak eta pintura: Astearteetan 16:00etatik 18:00etara. Urriaren 3an hasiko da.
- Gantxiloa: Asteazkenetan 16:00etatik 18:00etara. Urriaren 3an hasiko da.
- Kristala, bainikak, gantxiloa eta punto-kruza, eta boliloak: Ostegunetan 16:00etatik 18:00etara. Urriaren 3an hasiko da.