Ez da lehenengo aldia horrelako tomate erraldoiak izaten dituzula zure
baratzean...
Ez, lehenago ere izan ditut tomate haundi askoak. Orain dela bi urte
esaterako, kilo eta erdiko tomateak izan nituen. Baina aurtengoa berezia izan
da, aurten denak atera zaizkit haundi haundiak eta asko izango dira kiloa edo
kilo eta erdia pisatuko dutenak. Kalabazin erraldoi bat ere atera zait. Jendea
ikustera etortzen da eta harrituta ateratzen da hemendik.
Noiz hasi zinen tomateak hemen landatzen?
Orain dela hamalau edo hamabost urte, nire lankide batek tomate landare
batzuk eman zizkidan. Ordutik, landare horien haziak erabili ditut.
Eta zein da zure sekretua, nola ateratzen zaizkizu horren tomate haundiak?
Nik uste, alde batetik, hazia dela garrantzitsua, tomate landare klase
ezberdinak baitaude. Gero abonoa botatzeko modua ere bada, nik zuloa egiten dut
eta hor botatzen dut ximaurra, hazia joango den lekuan. Sulfatatu ere egiten
ditut, baina ez diet beste inolako produkturik botatzen.
Eta jateko, zer moduzkoak dira?
Oso onak, landarean uzten ditut gorritzen eta haragi xamurra izaten dute
barruan. Guk gustora jaten ditugu baratzan daukagun txokoan, entsaldan adibidez.