EURIA egin ez balu, Garagardo Azokak dagoeneko hautsi zituen iazko markak.
Garagardoa iaz bezalatsu saldu da baina kodilloa askoz gehiago ari da saltzen
bataz beste. Mahaiak betetzen ari dira otorduetan eta sukaldean jo ta su ari
dira lanean. Aurten karpa asko haunditu dute eta 100 mahai inguru dauzkate
jendea esertzeko. Horregatik aurten jendeak ez du batere itxoin beharrik izan
bazkaldu edo afaltzeko.
Boletoak salgai euro batean
Boletoak jarri dituzte aurten Garagardo azokan. Boletoak euro bat balio du
eta saria ederra jarri dute. Parisen jokatuko dute azaroaren 26an Frantzia eta
Hego Afrikako selekzioek eta bi sarrera zozketatuko dituzte partidua ikusteko.
Zozketako zenbaki saritua Kronikan aterako da.
Mus txapelketa
Bestalde, gaur bazkal ondoan mus txapelketa izango da karpan.