MONTESEKO babes ofizialeko etxeak zozketatu zituzten atzo kiroldegiko
pelotalekuan, arratsaldeko 17:00etan.
Aukera zaila
Jende asko bildu zen zozketara, zorioneko 14 hernaniarrak nortzuk ziren
ikustera. Izan ere 14 etxe zozketatu zituzten eta zozketarako onartutako
eskaerak 689 izan ziren; loteria zaila. Etxebizitza horietatik 3 elbarrientzako
zozketatu zituzten eta beste 11 etxebizitzak gainerako guztien artean.
Elkartzenen protesta
Zozketa egiten ari zela, Elkartzen taldeko hainbat kidek pankarta bat ireki
zuten pilotalekuko kantxan ´Eskubideak ez dira zozketatzen` leloarekin. Horretaz
gain, zozketa egin aurretik panfletoak banatu zituzten jendartean. Horren arira,
Txema Mercado zinegotziak Kronikari adierazi dio beraiek ez dutela eskubiderik
zozketatzen.