Buruntzaldeko Udalek aisialdiko begirale ikastaroa antolatu dute Hernani,
Astigarraga, Andoain, Lasarte, Urnieta eta Usurbilgo gazteentzat, urritik
apirilera. Aisialdian lan egin nahi duten gazteei zuzendutako formakuntza
ikastaroa izango da , 200 ordukoa. Saioak larunbatean izango dira, goiz eta
arratsalde. Buruntzaldeko Udalen arabera, ´aisialdiak gero eta garrantzi
haundiago du gure inguruan` eta haur-txoko, asteburuetako ekintza, eskola-kirol,
udaleku eta abar gero eta gehiago antolatzen dira gure inguruan eta horretan
oinarrituta antolatu dute ikastaroa.
Izen ematea zabalik
Izen ematea gaur irekiko da eta hilaren 23 artean dago izena emateko aukera
Buruntzaldeko Udaletako euskera zerbitzuetan. Eskatzen dituzten baldintzak dira
euskalduna izatea eta 18 urtetik gorakoa izatea. Ikastaroaren prezioa: 295 euro
Buruntzaldekoentzat eta 485 euro gainerakoentzat. Aurkeztu beharreko
dokumentazioa da: argazkia, diru sarreraren agiria (Euskadiko Kutxa 3035 0084
770840018773. Izen abizenak jarri), nortasun agiriaren fotokopia eta
matrikulazio fitxa beteta (euskara zerbitzuan jaso behar da).
Kopuru mugatua
Udalak jakitera eman duenez, ikasle kopurua mugatua izango da ikastaroan eta
matrikula egin den fetxaren arabera osatuko da taldea. Buruntzaldeko Udaletako
ikasleek lehentasuna izango dute.