Hernaniko EAk Antton Costari elkartasuna adierazi dio ´Batasunaren aldetik
jasaten ari den erasoak direla eta`. Costak idatzitako iritzi artikulu baten
bueltan Batasunak egindako adierazpenak salatu ditu EAk, Kronikara bidalitako
prentsa ohar batean. Nabarmendu du ´Costak giza eskubideen eta askatasunaren
aldeko ibilbide demokratiko luzea du; Hernaniko Batasunako kideek oraindik
egiaztatu gabe daukatena, alegia`.
´Erasoek Batasuna urrundu egiten dute errealitatetik`
Hernaniko EAk prentsa ohar bukaeran zera nabarmendu du: ´Batasunak beti izan
ditu, ditu eta izango ditu udal-gestioari buruzko ideiak eta proposamenak ekarri
ahal izateko bideak, baina herritarrek hautatutako zinegotzien aurkako erasoek
are gehiago urruntzen dute errealitatetik, eta are zailagoa egiten dute sinestea
Batasuna Hernanik dituen arazoek kezkatzen duten alderdia dela`.