‘Sagar eta sagardo eguna’ irailaren 18an, Tolarea kofradiaren eskutik

Hernaniko Tolarea kofradiak eman du Sagar eta Sagardo egunaren berri, eta aurten irailaren 18an izango da, datorren igandea zortzi. Urteroko moduan nahikoa sagardo izango da aukeran eta baita pintxoak ere, edanari laguntzeko. 1.000 baso inguru Sagar eta sagardo eguna jende asko biltzen duen zita da Hernanin. Herriko 12 sagardotegiak bertan izaten dira (Alberro, Altzueta, Elorrabi, Goiko Lastola, Iparragirre, Itxasburu, Larre-Gain, Oialume-Zar, Olaizola, Otsuenea, Rufino eta Zelaia) eta hauen sagardoa probatzera herritar asko animatzen da. Aurten 1.000 edalontzi eskatu ditu Tolarea kofradiak eta eguraldiak laguntzen badu, arriskua denak bukatzeko. Izan ere, iaz eguraldiak ez zuen lagundu eta jende gutxiago izan zen, baina, 2002 eta 2003an 1.000 lagunetik dezentez gora bildu ziren. Erakusketa Egunean bertan sagar eta erreminta zaharren erakusketa izango da Plazan eta Tolare bat ere jarriko dute lanean. yy