Etxerat elkarteak kontzentrazioa deitu du gaur ‘Euskal Presoak Euskal Herrira’ lemarekin

Etxerat elkarteak kontzentrazioa deitu du gaur, arratsaldeko 20:00etan, Zinkoenean, Euskal Presoak Euskal Herrira lemarekin. Etxerat elkartearen eskaera nagusietako bat da sakabanaketarekin bukatzekoa ´neurri honek giza eskubideak apurtzen dituelako`. Hernaniko Etxeratek azpimarratu du asteburuero 50 hernaniarrek egiten dutela bidaia bere senide edo lagunak bisitatzera, eta istripu arriskua haundia dela nabarmendu du. ´Euskal Herriko 16 senditan pasa da eta hurrengo batean herriko edozein izan liteke, eta ezin dugu onartu inor errepidean hiltzea bere senidea ikusteko bidean`. Etxeratek dei egin die aldarrikapenarekin bat egiten duten hernaniarrei kontzentrazioan parte hartzera.