DONOSTIAKO Aste Nagusia hasiko da datorren igandean, hilaren 14ean, eta
urtero bezala Garayar autobus urdinek zerbitzu berezia eskainiko dute Hernani
eta inguruetatik Donostiara joan ahal izateko, kotxerik hartu gabe.
Hernani-Aiete-Donostia
Abuztuaren 14tik 21era, biak barne, Hernani-Aiete-Donostia lineako autobusa
15 minuturo aterako da Atsegindegitik, eta azkeneko autobusa goizeko 02:30etan
aterako da Donostiatik. Donostian, gaueko 22:00etatik aurrera San Bartolome
kaletik aterako da (Hawai denda ondotik). Linea hau Urnietaraino iritsiko da
gaueko 22:15etatik aurrera.
Andoain-Urnieta-Hernani-Donostia linea
Abuztuaren 14tik 21era, Urnietatik Donostiara joan nahi duenak Aieteko linea
hartu beharko du, linea hori Urnietaraino iritsiko baita gaueko 22:15etatik
aurrera. Autobusa 15 minuturo izango da goizeko 02:00ak arte. Bestetik,
Andoaindik Donostiarako azkeneko autobusa gaueko 21:45etan aterako da.
Gauetan autobusa
Abuztuaren, 14, 15, 19 eta 20an gaueko autobusak izango dira goizeko
02:00etatik aurrera. Orduro aterako dira goizeko 06:00ak arte Urnietatik, eta
goizeko 06:30ak arte aterako dira Donostiatik. y