‘Gerra eta Bake akordeak’ izenburuarekin lau kontzertu izango dira 66garren
Musika Hamabostaldiaren barruan, Chillida Leku museoan. Gabriel Loidi piano
joleak; MªAngeles Rodríguez eta Luminita Duca Piano jole eta kantariak; Ricardo
Sciammarella eta Eva Pereda biolontxelo eta piano jolea; eta Caden soka
laukoteak emango dituzte kontzertuak. Gerrarekin zerikusia duten obrak joko
dituzte eta gerraren ondorioak irudikatzen dituztenak. Aurten dira 60 urte
munduko gerra bukatu zela eta hori ospatu nahi izan dute Chillida Lekuko
kontzertuetan. Horretarako munduko gerraren bueltan konposatutako obrak eta
orokorrean gerra eta bere ondorioen inguruan konposatutakoak interpretatuko
dituzte.
´Tolerantziari omenaldia`
Luis Chillidak atzo prentsaurrean azaldu zuenez, Zabalaga barruan izango
dira kontzertuak ´Tolerantziari omenaldia deritzaion obraren aurrean. Obra hori
gure aitak egina da Juduak Sevillatik bota zituzteneko 500garren urtea
irudikatzeko. Eta honek guztiak ere tolerantziaren aldeko aldarrikapena izan
nahi du`.
Azalpen eta guzti
Lau kontzertuek azalpena izango dute aldez aurretik, jendea entzungo
duenaren inguruan kokatu dadin. Kontzertuak abuztuko lau igandeetan dira.
Arratsaldeko 18:00etan hasiko dira azalpenak eta arratsaldeko 19:00etan
kontzertuak. Lehenengoa datorren igandean da, Gabriel Loidi piano jolearen
eskutik.
Egitaraua:
Abuztuak 7
Gabriel Loidi
piano jolea
Biktimei omenaldia emanaldia izango da, lau obrak osatua: Julio Blascoren Sei
interbentzio eta fuga, Milena Perisic-en Galdutako haurraren bila; Gustavo Diaz
Jerezen Hiru obra pianorako bakarrik; eta Gabriel Loidi beraren Hamabi preludio.
Abuztuak 14
Mª ANGELES
RODRIGUEZ eta LUMINITA DUCA
kantaria eta piano jolea
Pakeagatik kantatu emanaldia izango da bigarren hau. F. Sierra Iturriagaren
Tríptico el saltamontes y la mariposa blanca obra joko dute jaialdia hasteko eta
Schumann, Brahms, Poulenc, Albeniz eta Mahlerren obrak eskainiko dituzte
ondorenean.
Abuztuak 21
ricardo scimmarella eta eva pereda
biolontxelo eta piano jolea
Exilioko musika eta erresistentziako musika emanaldia izango da hirugarrena. Lau
obra interpretatuko dituzte: Darius Milhauden Sonata, Bohuslv Martinuren 2.
Sonata, André Joliveten Gauekoa; eta Dmitri Shostakovichen Sonata Op 40.
Abuztuak 28
Cadem Soka laukotea
Azken kontzertua C. Bucataru eta D. Frances biolin joleak, M.
Riquelme biola joleak eta E. Trullén biolontxelo joleak emango dute, hiru
obrarekin: Kuartetoa Fa Nagusian, P. Sorozabalena; Sokarako kuartetoa euskal gai
herrikoiei buruz J.M. Usandizagarena; eta 8garren soka kuartetoa D.
Shostakovichena.