Santa Ana eguna gaur Astigarragan

jaiak bukatzen ari diren arren, Astigarragan ez dute gelditzeko intentzio haundirik. Gaur Santa Ana eguna ospatuko dute, ederki ospatu ere: goizeko 7:30etan sokamuturra izango da ikastolako atarian. Horren ondoren kalejira egingo dute trikitilariekin eta goizeko 10:00etan Iturengo joaldunek hartuko dute txanda. Astigarraga izanda ezin sagardo dastaketa falta, 11:30etan izango da Kale Nagusian, Murgiaren ondoan. Eguerdiko 13:00etan berriz, Aitor Mendiluzek eta Sustrai Colinak bertso saioa egingo dute, eta horrekin nahikoa ez duenak arratsaldean eta gauean ere izango du zer ikusi, 18:30etan herri kirol jaialdia eta Cortocirquito izeneko ikuskizuna, 21:00etan hasiko den abesti tradizionalen saioa eta 23:30etatik aurrera Trakets taldearen emanaldia, besteak beste.