Arratibelek dio ´deskalifikazioa Ezker Abertzalearen ingurutik` datorrela

UdALEKO Hirigintza Zinegotziak, Iñaki Arratibelek, prentsa ohar bat bidali du Hernaniko Kronikara, Bildu Hernaniri erantzuteko. Zinegotziak bidalitako idatzian dioenez ´Arau Subsidiarioen errebisioaren inguruko deskalifikazioak eta irainak Bildu Hernanik eta bere ingurukoek hasi zituztela gogoratu beharra dago`. Arratibelek dio hasitako prozesua ´irekia, gardena eta parte hartzailea` dela eta gaineratzen du ulertzen duela zergatik ez den ´lau urtez hirigintza ezkutuan` egin dutenen gustokoa: ´guk gauzak argitu besterik ez ditugu egin eta talde horren benetako asmoak aditzera eman`, dio. Galderak BHri Iñaki Arratibelen ustetan Bildu Hernaniri egindako hainbat galdera ´zehatz` erantzunik gabe daude oraindik: ´Txantxillako lursailen %40 udalarena zen, baina bertan soilik %20 babeseko etxeak eraikitzea erabaki zuten aurreko agintaldian Frailek eta bere taldeak. Zergatik?`. Galarretari buruz ere hitz egiten du zinegotziak eta zera galdetzen dio BHri: ´Galarretan %65 etxe babestuak izan beharrean, %20 xume izan ziren. Dena korrika batean kalifikatu zuten. Zergatik?` galdera horiek ´hernaniarrek jakin nahi dituzten erantzunik gabeko zenbait galdera` direla adierazten du Arratibelek. Alegazioak Arau Subsidiarioen ´errebisio prozesuari buruz` prentsa oharrak dio ´zorionez` politikarien eztabaiden gainetik aurrera dijoala eta ´arlo askotako eta irizpide ezberdinetako herritar asko` igaro direla Udaletxetetik. Modu berean, Arratibelek bidalitako prentsa oharrean azaltzen denez ´alegazio guztiak kontuan hartuko ditugu hasierako testuaren hobekuntza bat direlako`. Bestalde, Ezker Abertzaleari zera proposatzen dio: ´guztiari ezetz esatearen jarrera hori alde batera utzi eta ekarpen positiboak` egitea. ´Egia biribila inork ez duela uste dugu eta hernaniarren bizi kalitatea hobetuko duten alegazio guztiak onartzeko prest gaude`, dio Arratibelek.