Buruntzaldeko Udalek eta enpresek euskara sustatzeko hitzarmenak sinatu dituzte

EUSKARA bultzatzeko planak martxan jartzeko hitzarmenak sinatu zituzten ostiralean Buruntzaldeko 4 enpresek eta Udalek. Iaz jarri zen martxan Buruntzaldeko enpresetan euskara bultzatzeko plana eta egindako lanaren ondorioz 4 enpresa hauek izan dira proposamena jaso eta baiezkoa eman dutenak: Perfiles Especiales, Selak S.L (Hernani); Latz kooperatiba (Andoain); Victorio Luzuriaga (Usurbil) eta S. Izagirre, S.A. (Usurbil). Beste 38 enpresa interesatuta Udalek EMUN kooperatiba kontratatu zuten enpresak bisitatu, egitasmoa aurkeztu eta planak diseinatu eta martxan jartzeko. 2004/05 ikasturtean egitasmoa martxan jarri zenetik 64 enpresa bisitatu dituzte eta 16 enpresek interesa azaldu dute urte honen amaieran euskara plan bati eusteko. Beste 22 enpresek aurrerago ekiteko asmoa azaldu dute. Udalek diruz lagundu Udalak diruz lagunduko ditu euskara plana martxan jartzen duten enpresak, bakoitzak bere herrikoak. Diru laguntza planaren diseinurako eta inplementazioaren aurreneko urterako izango da. Gehienez 3.500 euro jasoko du enpresa bakoitzak. Enpresak bestetik, beste erakunde publikoek arlo honetan eskaintzen dituzten diru laguntzak eskatzeko konpromezua hartzen du hitzarmen honen bidez.