BERRIAK merkatari eta ostalarien elkarteak Haragi Eguna antolatu du larunbat honetarako. Arratsaldeko 17:00etatik aurrera saltxitxa eta saiheski pintxoak jarriko dituzte salgai, pure patatarekin batera Gudarien Plazan. Edariak ere jarriko dituzte salgai: ura, sagardoa eta ardoa. Salmentan ateratako dirua Angel Olarani bidaliko zaio, Etiopiako haurrekin lanean jarraitu ahal izateko.
Berriak elkartetik jakinarazi dutenez aurten ez dute txekorra plazan erreko ´gastu haundia baitu` azaldu dute. Bestetik, hegazti harrapariak ekarriko dituzte plazara eta hauen abileziak ikusteko aukera izango da.
8 urtez jarraian
Haragi Eguna dagoeneko 8 urtez jarraian antolatu du Berriak elkarteak eta diotenez jendeak gustora hartzen duen eguna da. Festa hau herriari bizia emateko eta herriko harategiak bultzatzeko egiten dute, batez ere.