Kronika Bergarako Idazle Eskolan irakasle

Aste Santutik hona Kronikako kazetariak Idazle Eskolan irakasle lanetan aritu dira. Hango idazlegaiei egunkari baten antolamendu eta eraketa on baten sekretuak azaltzen saiatu dira. Kronikak eman dituen klaseetan erakutsi dute, herri prentsako (Hernaniko) idatz-modua zein den. Klaseak Idazle Eskolaren barruan eman dituzte, Idazketa profesionalari buruzko gradu ondokoaren barruan, hain zuzen. Esperientzia berria Gradu ondoko hau orain dela bi urte sortu zen. Hasieran bi talde hasi ziren eta aurten hiru talde daude. Bi espezialitate ditu Idazle Eskolak, bata Idazketa Literarioa eta bestea, Idazketa Profesionala (dibulgazioa eta administraziokoa). Jaso dituzten eskolen artean daude, besteak beste: Imitazioa eta itzulpena sormenean, Ipuin bat idazteko armak zorrozten, Iritzi-artikulua, Idazketa literarioa, Dibulgazioa eta idazketa... Hiru elkarteren artean Kurtso hauek sortu dituztenak dira: Euskal idazleen Elkartea, ASMOZ Fundazioa eta Bergarako UNED. Zuzendari Tere Irastorza idazlea dago.