Bizikidetzarako Udal Batzordea bildu berri da eta orain artean egindako ekimenen azterketa egin dute. EHUko Psikologia Fakultateko Geuz bulegoak zenbait tailer eta hitzaldi antolatu ditu Hernaniko ikastetxeetan ´bizikidetza bultzatzeko eta bakearen kulturaren inguruan`. Guraso, ikasle eta irakasleei zuzendutako tailer eta hitzaldiak dira. Horrez gain, Proyecto hombren ere antzeko ekimenak burutu dira. 2003ko iraila ezkero 19 ekimen burutu ditu Geuz-ek Hernaniko ikastetxeetan, Bizikidetza Batzordetik jakitera eman dutenez, gehienak gatazkak nola konpondu gaiaren ingurukoak: eskoletan gertatzen diren jazarpen egoerei nola aurre egin; arauak nola adostu edota parte hartzea nola bultzatu, adibidez. Udal arduradunek jakitera eman dutenez, hezkuntza eta bake adituek beste zenbait proposamen ere luzatu dituzte: ´bake kulturaren eta bitartekaritzaren inguruko jardunaldi batzuk burutzea, familia giroan elkarrizketa bultzatzea edota gatazkak konpontzeko zerbitzu berezi bat martxan jartzea`.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!