LIGA bukatzeko partidu gutxi falta direnean Hernaniko 3 taldeek etxean jokatuko dute. Larunbatean Hernani Bko mutilek Fadura Bren kontra jokatuko dute, kiroldegian eguerdiko 13:00etan. Igandean, Hernaniko neskek Iruñeako taldearen kontra jokatuko dute, kiroldegian eguerdiko 12:00etan. Segidan, eguerdiko 13:00etan, Hernani Ako mutilek jokatuko dute Iruñako taldearen kontra.
Hernani Ako mutilak igoera faserako borrokan
Hernani Ako mutilak Euskal Herriko ligako 2garren dibisioan jokatzen ari dira. Momentuz sailkapeneko 3garren postuan daude, Master Askartza eta Arabako Menditxo taldeen atzetik. Helburua dute aurreneko dibisiora igotzeko fasean sartzea eta entrenatzaileak esandakoaren arabera taldeak aukera asko ditu. Izan ere aurreneko dijoan Master Askartzak ezingo du aurreneko dibisiora pasa, dagoeneko bai baitauka talde bat dibisio horretan. Beraz igoera fase hori seguruenik Hernanik eta Menditxok jokatuko dute aurreneko dibisioan jaitsi daitezkeen beste bi ekipoen kontra. Igoera fasea, maiatzaren 7an hasiko da seguruenik.
Bigarren taldea 2garren
dibisiorako bidean
Hernani Bko mutilak Euskal Herriko ligako 3garren dibisioan daude eta sailkapeneko 3garrenak dijoaz. Hernani Aren antzeko egoeran daude baina entrenatzaileak esandakoaren arabera lan asko egin beharko dute igoera fase horretan sartu ahal izateko. Entrenatzailearen iritziz asteburu honetako partidua irabazteko aukera asko dituzte.
Nesken taldea, irabaztera
Neskak Euskal Herriko ligako 5garren postuan daude, baina 3 edo 4garren postuan egoteko aukera askorekin. Igandeko Iruñeako taldearen kontrako partidua nahiko berdindua izango da baina hernaniarrak dena ematera aterako dira. yy