PSE: ``Euskara bultzatu nahi dugu gaztelerarekin elkarrizketa positibo eta emankorrean``

Euskara bultzatu Patxi Lopezen proposamena euskara eta kulturari buruz aritzen da puntuetako batean. Proposamenak dio euskara bultzatuko duela ``gaztelerarekin elkarrizketa positibo eta emankorrean``. Helburua dute gizarte elebidun orekatu baten alde egitea ``gizarteak askotan adierazi baitu elebiduna izateko nahia``. Gizarte politika Gizarte politikan Patxi Lopezen proposamenak dio, besteak beste, lurralde arteko desberdintasunak desagertzearen alde egingo duela. Bestetik ez dela errentarik izango SMI aren (Salario minimo interprofesional) azpitik eta oinarrizko errenta 18 urte aurretik hasiko dela. Horrekin batera proposamenak azaltzen du SMI izango dela pertsona dependienteak zaintzen dituzten pertsonentzat eta hezkuntza dohainik izango dela 0 urtetatik. Etxebizitza Patxi Lopezen proposamenak ``alternatiba aurrerakoi bat izan nahi du baita etxebizitza lortzeko garaian``. PSEk dio badaudela arazoarentzako irtenbideak lurralde eta etxebizitza politikak prioridade baldinbadira gobernuarentzat. Etxebizitzaren inguruan 3 helburu ditu proposamenak: 1) Etxebizitza duina bermatzea 2) Bizitzeko moduko hiriak sortzea garapen jasangarriaren bidez eta 3) Alokairuan hartzeko etxe gehiago jartzea. Hezkuntza publikoa ziurtatua 0-3 urteko haurrentzat Patxi Lopezen proposamenak dio aurreneko aurkeztuko duen legea izango dela Haur Eskolen Legea. Lege honen bitartez azaldu dute ``3 urte azpiko haurrek ziurtatuta izango dutela plaza bat kalitatezko hezkuntza publikoan``.