Artisau azokak

( Zikuñaga Armendariz Illarramendi Gabiltza Gipuzkoako Artisau Elkartearen izenean ) Asteburu honetan Hernani Errotzen taldeak (Nabarral­dek) azoka erraldoi bat da­kar produktu desberdinak eskainiz. Azoka honen atzetik, beste enpresa bat dago: Pega­sus. Zeinek azo­ka me­diebal eta tematikoak antola­tzen dituen artisau hitza erabiliz. Honek, nahasketa sor dezake, postu gehienak ez baitituzte betetzen artisau izateko behar diren minimoak. Postu gehienak sal-erosketako postuak besterik ez dira. Gu Gabiltza Gipuzkoa­ko Artisau elkartekoak ekitaldi honekin ez gatoz bat. Enpresa honi eta antzekoei, artisautzari laguntzea, interesatzen zaien azkena da. Artisau-azoka hitza bortxatu dute, alde batetik, artisau izatearen minimoak kontutan hartzen ez dituztelako, eta bestetik, hainbat herritan artisau-azoken lekua ordezkatu dutelako. Be­raien helburu bakarra azoken hedapena da, m2ko dirua jasoz, multinazional filosofi gisa. Aste bete barru Atsegin­de­­gi plazan XXXIII. Pablo La­sa Hernaniko Artisau azo­ka ospatuko da, gu Artisau azo­ka honetako antolatzaileak gara eta Gipuzkoa mailan ere beste Artisau azokak antola­tzen ditugu. Artisau garenez, beste azoketan par­te har­tzen dugu Euskal He­rri mailan zein Euskal Herri­tik kanpo. Ar­ti­sau azoka hauetan parte hartzeko hainbat ziurtagiri eskatzen dira artisaua zarela baieztatuz. Euskal Herriko Artisau gehienek saiakerak egin ditugu ekitaldi hauen kontra egiteko sinadurak bilduz, eta Gi­­puzkoako udale­txeetara es­kutitzak bidali ditugu. Iru­ditzen zaigu Hernaniko udaletxeak ez digula kaso handirik egin eta Kultur saileko ekintzak ez dituztela ondo baloratu. Zentzugabe­koa de­ritzogu Hernanin aurten, bi ekitaldi hauek bata eta bestea hain epe laburrean egiteari, konfusioa sortzen duelako eta, guretzat, artisauontzat oso kaltegarria delako. Eskutitz honen bidez, Hernaniko herritarrok uler­tzea nahi dugu artisau azokaren izenean egiten diren ekitaldiak desberdintzea zein garrantzitsua den. Non kon­tsumitzen du­gun jakinaraziz. Bukatze­ko, abenduaren 2an Atseginde­gin egingo den Hernaniko Artisautza Azo­ka­ra gonbidatzen zaituztegu.