Adiskidetu
Artikulu batean horrela zioen batek, Alfredo Rubalcabaren hasierako diskurtsoaren gainean: «saiakera bat egin du Rubalcabak, Zapateroren politikagintzatik urrutiratzeko eta keinu bat egin nahi izan die 15M-ko kideei».
Egia da, hauteskunde erreforma egitearekin 15M-koek eskatutakoei erantzuten zaiela, baina funtsean, ez dio erantzunik ematen demokraziak daukan hutsunerik haundienari. PSOEko hautagaiak dioenak: «Demokraziak badu nagusi bat: hiritarrak» ez du inongo zentzurik.
«Demokraziaren deskripzio politena hau litzateke: denentzako joko arau berdinak dituen sistema». Ezta munduko hauteskunde sistemarik onenak ere, ez du lortuko herrialde honetako hiritarrak «demokrazioaren nagusi» izaterik, lau urtean behin izan ezik. Horretarako, lege bat erreformatu beharko litzateke: Herri Araudiari Buruzko Lege Organikoa ILP 3/1.984, Konstituzioaren 87.3 Artikulutik deribatzen dena. Hori da 15M-ko kideek eskatzen duten puntu nagusia, eta Rubalcabak ez-ikusiarena egin diona.
Hauteskunde sistema aldatu, eta Alamanian bezala egiteak, adibidez, parlamentuan jende gehiago ordezkatzea ekarriko luke, baina ez luke konponduko Lege Organiko horrek sortzen duen arazoa, herriari ordezkaritza emateko. Batez ere, herri kontsulta eta erreferendumean sinisten dutenentzat.
Abstentzioa (%37) bada beti jende multzo haundiena biltzen duena, eta herritarren %80k babesten badu 15M mugimendua (The Economist), laster iritsi liteke joera hau gehiengo absolutua izatera. Horrela bada, zer motibazio eman diezaioke herri honi hauteskunde sistema berri batek, perfektuena izanda ere?
Rafael Vázquez Garcíak, Granadako Unibertsitateko Teoria Politikoko irakasleak, demokrazia berritze bat eskatzen du: «faltan botatzen dut gizarte bizi bat, partiduen mezuetatik urrutiratzen dena, eta botere publikoei errespontsabilitatea eskatuko diena». Horren arabera, elkarrekin parte hartzeko bideak jarri behar dira, eztabaidak egiteko, edo internet bidez proposamenak egiteko, herritarren eta politikoen artean… berriz adiskidetzeko bidean.
Iulen Lizaso Aldalur (*Erredakzioan euskeratua)