Papelera del Norteko lurrazpiko pasabidea...

( Jose A. Ameztoy Altamira (*erredakzioan euskeratua) ) Papelera del Norteko lurrazpiko pasabidea... Proiektu honi buruz bi hitz egin nahi nituzke, nire ustez baduelako erremedioa. Pa­pe­lera del Norte parean lurrazpiko tunela egitea oso garestia da lu­ze­ra begira; ea nola justifikatzen duten. Orbegozoko biaduktoa egin aurretik, Balantxako tunela erabiltzen zen, edo Floridako tren gaineko pasabidea. Zergatik ez erabili Balantxako tunela (ahaztuta dagoena)? Horretarako, Co­rreos­etako tunela ere trafikoari ireki beharko litzaioke (gaur egun bidegorria dago hor. Ez dut ulertzen zergatik, biaduktoan beste bidegorri bat ere badago-eta. Akaso garrantzi­tsuagoa al da ia inork erabil­tzen ez duen bidegorri bat, Zinkoeneako kotxe-trafiko haundia baino?). Zinkoeneatik Florida aldera hartzen dutenek aukera hauek izan beharko lituzkete: Karmelo Labakatik jai­tsi, errotondaraino, eta han bi bide: Perkaiztegi eta Mon­tevideo. Azken hori, Pape­lera del Norteko errotondara, eta handik, Gartzia Goldaraz aldera (Correos). Horrela, Floridatik datozen kotxeak, ez lukete Zinkoeneatik pasa beharko, eta Latsunbe-Per­kaiztegitik datozenek ere ez. Oharra: Correoseko tunelak 2 metro ditu alturan, eta beraz, 40 cm jan beharko li­tzaizkioke lurrari, 10 metroko espazio batean. Oharra: Derrigorrez, Mon­tevideo kaleak bi norabide be­harko lituzke, eta baita Eroski-Agustinatako kaleak ere. Oharra: Benta Berriko tren­bide azpiko tunela ere era­bili egin behar da, Zinkoeneari trafikoa kentzen diolako. Luzatu egin behar da, Florida kale azpitik, bolatokian atera­tzeko. Oharra: Latsunbetik Zin­koe­neara datozen kotxeek, ez­kerretara egin behar dute, orain eskubira egiten duten gisara. Jose A. Ameztoy Altamira (*erredakzioan euskeratua)