Non dago Hernaniko EA? Dio Hernaniko EAkide ohi batek.
Berak ondo jakin beharko luke non dagoen Eusko Alkartasuna, batipat betiko tokian dagoelako eta orain, alderdia sortu zen momentuan bezala, abertzaleen arteko elkarlanaren eta bakea lortzeko bide guztiak aztertzearen alde dagoelako. Hori da EAren apostu argi eta garbia; soilik bide politiko, demokratiko eta bakezaleak erabiliz, Euskal Herriari dagokion erabakitze eskubidea bermatzen duen eta Euskal Herrira normalizazio politikoa eta gatazkaren konponbidea ekarriko duen aukera bakarrean. Hor dago Eusko Alkartasuna eta hor daude Hernaniko Eusko Alkartasunaren hautagai eta afiliatuak.
Arazoa, patrikak ondo beteta zituztenean eta poltronak mantentzearren, Eusko Alkartasuna utzi, eta orain nora doazenen ez dakitenen buruan dago. Adierazgarria da norbait aurkezteko momentuan ere EAko kide ohia dela esan beharra!
Maiatzaren 22tik aurrera titulu hori soilik geratuko zaie, ez baitute ez soldatik, ez eserlekurik, ez alderdirik izango.
Aldiz EAk bere horretan jarraituko du eta Hernaniko EA ere bere horretan mantenduko da. Gora Eusko Alkartasuna! Aurrera Bildu! Bildu dezagun Hernani!
Iker Goenaga Gubia
Hernaniko Eusko Alkartasuna