Iulen Lizaso Aldalur

( Erantzun gabeko errealitateak ) Martxoaren 16ko Jasota Beza­laren egilearekin ez nago ados, bosgarren kontenedorea gehiegi baloratzen duela eta. Nik, bere lekuan, ez nuke baieztatuko bere alderdi politikoak ez duela gezurrik esaten Hernaniko hondakinei da­­gokienean. Gai teknikoa da argi eta garbi, eta honi bu­ruz informatzerakoan balorazio generikoak erabiltzen di­tuz­te: ´oso ondo funtziona­tzen dute bertan, Zarautzen antzera. Zarautzen 60 kontenedore marroi baino gehiago daude eta 4.758 familiak birziklatzen dute organikoa be­ren borondatez`. Kargu pu­bli­ko batek dio hori, ezagu­tzen dituen datuak eman beha­rrean; ez du benetan in­for­matzen. ´Ondo funtzionatzen du­te`, ´birziklatzen dute`... In­for­matzeko eta egia esateko da­ra­bilen modua Carlos Or­ma­zabal Ingurumen diputatuak erabili ohi duena da, honakoa dioenean, adibidez: ´egun­go birziklatze maila al­tua da` edo ´ez naiz datuak ematen hasiko`. Kontenedore marroiak du­en gaitasuna 600 litrokoa da eta Atez Atekoarekin be­za­la, gutxienez hiru egunetik behin bildu eta garbitu behar da. Zenbat biltzen da familiako eta eguneko Zarautzen, eta zein da garbiketa eta bilketaren kostua? Datu horiek ez ematea, gezurra esatea da. Bakarrik dakigu, zenbat familiek hartu duten konpromisoa, konposta kalitate onekoa dela eta gure dirutik 400.000 euro gastatuko dituztela 2016an gure organikoaren %10 konpostatzeko (Mar­kel Olano)... %10a bakarrik! Programa hori deskalifi­ka­tu egin zen Ansorenak Biohondakinei buruzko Na­zioar­teko Kongresuan aur­kez­tu zuenean, 2010eko otsai­laren 15ean, Bartzelonan. 2016rako estimatutako bilketaren kostua/kantitatea erlazioa ezin da justifikatu, kontuan izanda, kopuru guztiaren %57a, gaur egun, hiru herrirena izango litzatekeela Atez Atekoa dela eta. Zentzuzko eztabaida joko mediatikoaz ordezkatzea, ge­zurra esateko modu bat da. Eta bakarrik ´justifikatzen du`, interes politiko baten aldeko estrategia ezkutatzeko gogo hori: makroerrausgailu bat sortzea, eta ez berez sortu ziren bitarteko bezala erabiltzeko (nahi ez diren hondakinak de­sagerrarazteko), baizik eta gure hondakinekin negozioa egiteko, aprobetxatu daitekeenaren %70a deseginez. Estefania Morcillo, gaur egun zabortegiek lurrak eta urak kutsatzen dituzte, materia organikoa masiboki lurperatzean lixibiadoak eta GEI gas toxikoak sortzen direlako. Bosgarren kontenedorearekin %10 saihesten da kutsadura hori; Austrian bezala derrigorrezko Atez Atekoa­ren bidez, %100. Azpiegitura haundirik gabe, teknikoki konpondu daitekeen arazoa izateagatik, politikoki bideraezina egiten ari da zure alderdia ere, Gipuzkoan.