`Gazako umeentzat, material bilketa

( Begoña Ogando Oiarbide Kooperazio Taldeko kidea ) Salam Aleikum Hernani: Isham eta Miasha gara. Anaia-arrebak gara, 6 eta 8 urte ditugu eta palestinarrak gara, Palestina izeneko herrialde batekoak. Gaza izeneko hiri batean bizi gara, Gazako hesian, Egiptokin, okupatuak gaituen Israel izeneko herrialdearekin eta Medi­terraneo itsasoarekin muga egiten du. Hemen, Gazako Franjan, milioi bat eta erdi pertsona bizi gara gutxi gora behera, eta Cisjordaniako palestinoekin batera, Lurralde Palestinarra osatzen dugu. Zuen laguntza beharrezkoa dugulako zuei idaztea erabaki du­gu nire nebak eta biok. Beste ezer baino lehen, gure egoera zaila azaldu nahi dizuegu, eta ondoren, bi­dali dizkizuegun mapa eta argazkiak ikusi ahal izango dituzue. Gure historia, Palestinar he­rriarena, oso aintzinakoa da, baina lau urtetik hona, Israel estatua osatzen duten pertsona batzuek egiten duten kaltea dela eta, oso gaizki pasatzen ari gara. Gure lurraldea kendu nahi digute eta berea egin. Kaleak mozten dizkigute, gure etxeak okupatu, ez gaituzte bakean uzten, harresiez inguratu gaituzte... elikagai asko ez dituzte sar­tzen uzten, ezta ospitaleetarako ma­teriala ere, gaixotasunei aurre egiteko sendagaiak, etxeak eraikitzeko materialak edota arkatzak eta koadernoak bezalako eskola materiala. Bizitza oso zaila egiten digute. 2008-2009ko Gabonetan, Is­rael­go armadak bonbak bota zizki­gu­n gerra hegazkinetatik, gure hi­­ria den Gaza suntsituz. Guzti honengatik, nire neba Isham eta nik, Miashak, zuek bezalako haurrak izanik, eskatzen dizueguna da, beste haur eta pertsona helduei azal­tzea nola bizi garen Gazan. Las­­ter, munduko leku ezberdinetatik itsason­tziak aterako dira, hala zuek bi­­dalitakoa jaso ahal izango duzue. Beraz, lagundu nahi bagaituzue, eskutitzak idatzi ditzakezue, marrazkiak eta argazkiak egin, nola bizi zareten jakiteko eta gehiago ezagutu ahal izateko. Eskola materiala bildu dezakezue era berean, arkatza eta koadernoak, jostailuak eta jokoak,.. horrela, itsasontzi hauek heltzen direnean, zuen eskutitzak irakurri ahal izango ditugu, zuen marrazki eta argazkiak ikusi, eskolara materialarekin joan ahal izango dugu, eta zuen antzera, jostailuekin jolastu eta ondo pasako dugu. Zuen laguntza eta ekarpenak asko eskertzen dizkizuegu. Ziur gaude gure bizitza pixka bat alaiagoa bihurtzen lagunduko diguzuela. Egunen batean zuen etxera bisitan joan ahal izatea, eta zuek geurera, eta bestela, ´insha-Allàh` (jainkoak nahi badu), Gazan lasai eta zoriontsu bizi garela idaztea espero dugu. Besarkada bat, Isham eta Miasha Gutun hau gizarte zibilak aurrera daraman ekimen bat dela eta idatzi dute Isham eta Miashak, Rumbo a Gaza ekimena dela eta, hain zuzen. Eki­menaren helburu nagusiak dira n­azioar­teko komunitateari Gaza­ko biztanleen egoera prekarioaren berri ematea eta Gazaren blokeoa haustea. Gazako neska mutilentzat kuaderno, arkatza eta euro bana kanpainaren barruan burutzen ari den es­kola materialaren bilketan parte hartzera animatzen zaituztegu. Bil­tzen den materiala udaberrian Ga­za­ra joango diren II. Askatasu­ne­ra­ko Flota osatzen duten estatu mailako itsason­tzien bidez helaraziko zaie. Eskola material bilketa Api­rilak 14arte Biteri kultur etxean. Anima zaitez!! Eskerrik asko parte hartzeagatik. Rumbo a Gaza: www.rumboagaza.org.