´Hemen bizi naiz, hemen bozkatuko dut`

( Joxe Elizondo Arruti, `Niko´ ) Datozen Hauteskunde Mu­nizipaletan (2011-05-22), bai­na ez Foraletan, hemen bizi diren pertsona ´ez komunitario`-en parte txiki batek botoa eman ahal izango du hainbat herrialderekin sinatutako Errezipro­zidade akordioari esker. Gainon­tzekoak, hau da, gehiengo handiena, baztertua-diskriminatua-marjinatua geldituko dira eskubide honetatik. Azken finean, lehengo egoerarekiko aurrerapen bat, baina oztopo eta injustizia berrien kontra borrokatu eta exijitu beharra dago... ´BIZILEKUA, ESKUBIDEEN GILTZA` bezala. Eskubi­deen (eta betebeharren) berdintasuna pertsonen bizilekua kontutan hartuta ezarri beharko litzateke (nahiz Her­nanin, nahiz beste edonon) eta ez jatorri edo jaio­tza le­kuaren arabera. Horrela, diskriminazio hauek edota arrazarekiko, edo bestelako diskriminazio legal, politiko edo sozialak onartzen baditugu, gure bizitzetako oinarrizko auzietan beste bidegabekeria ba­tzuk onartzen ari gara. KANDIDATURAK HERNANIN ETA BESTE LEKU BATZUETAN. S.O.S-Arraza­keriak kanpaina bat bultzatuko du datozen hauteskundeetarako. Eta kanpaina horretan beste herrialde batzuetatik etorri baina hemen finkatuta daudenen parte-hartze eta kolaborazio handi batekin kontatu nahi dugu, hala nola Hernaniko pertsonalitate anitz eta plural baten laguntasunarekin ere. Ekimen berri honen alderik esanguratsuena, hautes­kun­de garaia aprobetxatuz, gizarteari HIRITARTASUN OSO baten aldeko mezua ema­tea da, non kalitate de­mo­kratikoa eta kohesio so­zia­la indartzearen aldeko berdintasunezko begirada eta eskubideak nagusituko diren.