Azken hamarkadan galera moral haundiena izan duen lanbideetako bat kazetaritza da. Profesional, enpresa eta talde mediatikoen degenerazio deontologikoa gero eta haundiagoa da etikaren gainetik interesa jartzearen ondorioz. Begirunerik gabe, babestu egiten dituzte interes orokorreko gauzen gainetik bakoitzaren proiektu estrategikoak aurrera eraman nahi dituztenak, kontuan hartu gabe beharrak, egokitasuna, ekoefizientzia, neurria... Beste modu batera ikusten dugunok hori azaltzen saiatzen gara medio horietan. Asmoa ez da egi bat bestearekin konparatzea; informatzeko eskubidea eskatzen dugu eta aldi berean salatu nahi dugu Gipuzkoako prentsak darabilen zentsura hondakinen gaiari dagokionean. Ingurumeneko Kazetarien presidenteak (APIA) Luis Guijarrok kritikatzen du enpresa eta administrazio publikoen opakotasuna ingurumen gaiei dagokienean: «Kontatu nahi dituzten gauzekin erraztasun gehiago dauzkagu, baina nahi ez dituztenekin orain dela 10 edo 15 urte baino okerrago gaude, beraien egitura mediatikoak hobetu egin baitira guk jakin ez dezagun, beraiek nahi ez dutena». Ez dute nahi jakitea Diputazioak dioenean konpostatzearen alde dagoela, ez duela egia esaten; inork ez daki ezer 2010erako agindutako bi konpost plantei buruz, ezta ere jartzekoak ziren bosgarren kontenedore mordoei buruz, edota Zubietako biometanizazio plantari buruz. Ez dute nahi jakitea Estrategia Europa 2020rako baliabideen eraginkortasuna haunditzeko eta energia aurrezteko gakoa materiaren Bizi Zikloa dela. Materiaren balorizazio eta biohondakinen bioenergetikaren bidez optimizatzea da gakoa (biometanizazioa eta konposta) eta ez deuseztea, errausketa edota zabortegien bidez. Zabortegien kutsadurari dagokionean, Europatik gehien kutsatzen dugunak gara Errumania, Hungaria eta Bulgariarekin batera. Hernanin indargabetu egin da kutsatzeko eskubide hori eta birziklatzeko obligazioa ezarri da. Austrian, bosgarren kontenedorearekin ez zuten %35 biltzen eta Vienan ere derrigorrezkoa den Atez Atekoarekin %90 berreskuratzea lortzen dute. Gipuzkoako hiru herrietan bezala, baina hauen kasuan Katalunian jasotzen dituzten laguntzarik gabe, zabortegiak ez kutsatzeagatik. Han lagundu, hemen zigortu... pentsakerak dira.
*Erredakzioan euskeratua