Bigarren instantzia

( Jose Antonio Ameztoy Altamira (*Erredakzioan euskeratua) ) Udalean sartu nuen bigarren instantziak, 2008-8-22koak, Agustinetako errotondako tra­fikoari egiten dio erreferentzia. Bertan esaten da errotondak omega letra grekoaren forma izan beharko lukeela, hala oinezkoentzako izango zen plaza hau eta Kaxkora sartzeko bide guztia. Horretarako, Konben­tuaren atzetik pasatzen den errepideak, bi norabidetakoa izan beharko luke. Izpizua kaleak, norabidea aldatuta, Kon­ben­tuko kalearekin batera, eta An­tzio­latik Cuesta de la Muerterako bideak, herriko ardatz nagusia osatuko lukete Zir­kuitoko karreterari dagokionean. Eskoleta­tik Ga­la­rretara joateko, be­rriz, trafikoaren antolaketa berria honakoa izango zen: Txantxilla (errotonda), Elka­no, Txirrita, Agustine­tako Konbentua eta Antziola. Oharra: instantzia honen erantzunik ez dut jaso eta orain, trafiko antolaketa berri hau egin dela eta, aprobetxatu nahi dut Udalari gogorarazteko kontuan hartu ditzala herritarren eskaerak, de­non onerako aldaketez hitz egiten ari baikara. Mila esker.