Ze gertatu zaio Eusko Alkartasunari?

( Iñaki Arratibel Olaziregi 2007ko Eusko Alkartasunako hautagai burua. 2011ko Hamaikabateko hautagai burua ) Izenburua jende askok egiten didan galdera da. Galdera berak, oraingo EAk sortzen duen sinesgarritsun falta garbia adierazten du. Ulergaitza da egun EAk erakusten duen irudia. EAn egon garenok, EAren sorreran egon garenok, ezin dugu ulertu azken urteetan Eusko Alkartasu­na­ren jarrera. 1986an Eus­ko Alkarta­su­na­ren sorreran partehartu dugunok, tristuraz ikusten dugu gure alderdi ohiak egin duen aldaketa erradikala. 1986an ez genuen EA martxan jarri Ezker Abertzalearen be­soetan erortzeko. 1986an herri guztietako milaka aber­tzalek ez genuen Eus­ko Alkar­tasuna sortu Ezker Aber­tzalearen mo­rroi izateko. Eusko Alkar­tasuna non eta zertan bukatu den ikusita, askok tristura, pena eta, zergatik ez, amorrua sentitzen dugu. Euskal Herriak eta Her­nanik 1986ko Eusko Alkar­tasuna behar du, eta bide berdinari jarraituz sortu dugu Hamaikabat.