´Eurafrika`

( Iulen Lizaso Aldalur (*Erredakzioan euskeratua) ) Bat egiten dut Angel Ola­ra­nek bizitu zuenarekin, goragalea sortzeraino, Diputatu Nagusiaren eskutik Urrezko Domina jaso zuen ekitaldian. Arrazoibide moduan aurkeztu zuen giza duintasunik ez dagoen hirugarren munduaren ´koadro` historikoa. Emozionalki hondoratuta daude, agintzen dietena bete­tzen ez dela ikusita eta egunero bizi duten errealitate gordinak eraginda: 100.000 pertsona gosez hilda egunero, eta horietatik ia herena, haurrak. Afrikan bakarrik milioi erdi bat ama hiltzen dira urtean erditzerakoan, laguntza faltagatik... Lurreko kontinente aberatsenean eta aldi berean gehien pobretu dena. Europa, planetako kontinenterik po­bree­na da eta aldi berean gehien aberastu dena. Euro­pa­ko Paralemtuan zeinek aurkeztuko du mozio bat eskatuz, memoria historikoa be­rres­kuratzeko lege bat sor­tzeko kontinente honetako herritarrek giza duintasuna berreskuratu dezaten?... Eta zibilizazioen aliantza? Europa bostetatik pobreena. Orain dela 7 mende izurriteak eta goseteak eraginda isolatua zegoen kontinentea, gurasoak haurrak basoan utzi beharrean izaten ziren etxean hiltzen ikusi ezin zutelako; Errauskinen ipuina bertsio originalean. Bertsioari drama kendu zitzaion Europa aurrera egiten hasi zenean itsasoz bestaldeko merkantziekin; gurasoak ipuinetik atera zituzten, amaordea sartuta. Olaranek Amerikara iritsi ziren hiru karabela aipatu zituen, horrek ekarri baitzuen gazte afrikarren bahiketa ondoren europearrei saldu eta lanean esklabu gisa bukatzeko. Europako estatu asko aberasteko pagotxa izan den kontinenteko gazteak. Ez dugu %0,7a ere itzultzen; karitate gisa ematen dugu sobratzen zaiguna eta justua den bezala, zor zaiena. Kontua ez da bidaltzea, ematea baizik, babes teknikoa eta humanoa; bere garaian esklabu egin bagenituen eta egun esklabizatuta manten­tzen baditugu ekonomikoki zorrekin eta heriotzara abandonatuta gosea eta gaixotasunak direla eta - hau bai ez dela ipuina- justiziazkoa da erreskate plan bat egitea, europarrek utzi dugun arrastoa konpontzeko. Naturako gure aberastasun bakarra suntsitu dugu: basoak, itsasontziekin kontinente horretara iritsi ahal izateko eta bertan uzteko egun Angel Olaranek aurkezten digun ´koadro` hori. Gure kontzien­tzien pizgarri den testigua agintariei eta hierarkia katolikoari exigitzeko memoria historikoa eta giza baloreak berriro sortzea. Eta desagerrarazi edo, gutxienez, geldiarazi eliteen eta behartsuen arteko muturreko polarizazioa.